Говь-Алтай аймгийн Есөнбулаг суманд 10 МВт / 42 МВт·цаг батарей хуримтлуурын станцын зураг төсөл

Баруун бүсийн эрчим хүчний системийн оргил цагийн ачааллыг бууруулах, шугамын алдагдлыг бууруулах, системийн тогтворжилтийг дэмжих зорилгоор "Том Нар Энержи" ХХК нь Говь-Алтай аймгийн Есөнбулаг сумын нутагт 10 МВт / 42 МВт·цаг хүчин чадалтай батарей хуримтлуурын станцыг барьж байгуулах төслийг хэрэгжүүлсэн. Шугам ХХК нь энэхүү төслийн зураг төслийг боловсруулах, инженерингийн зөвлөх үйлчилгээ, зохиогчийн хяналтын ажлыг хийж гүйцэтгэсэн.

Үүнд:

• 10 МВт / 42 МВт·цаг хүчин чадалтай батарей хуримтлуурын станцын иж бүрэн зураг төсөл
• 10/110 кВ-ын 1×12.5 МВА чадалтай өсгөх дэд станцын зураг төсөл
• Есөнбулаг 110/35 кВ-ын дэд станцын өргөтгөлийн ажлын зураг төсөл
• Батарей хуримтлуурын станцын ажлын тоо хэмжээ, нарийвчилсан төсөв гаргах
• Батарей хуримтлуурын станцын техникийн шийдэл, тоног төхөөрөмжийн сонголт, худалдан авах ажиллагаанд зөвлөмж өгөх
• Барилга угсралтын ажлын бүх үе шатанд зохиогчийн хяналт хийх